News Detail
Feb 01, 2023
4K views
"በኢትዮጵያ አዲስ ከተቀረጸው ስርዓተ ትምህርት ታንዛኒያ ጠቃሚ ግብዓት አግኝታለች " የታንዛኒያ የትምህርት ፣ የሳይንስና የቴክኖሎጂ ቋሚ ምክትል ሚኒስትር
ጥር 24/2015 ዓም (ትምህርት ሚኒስቴር) የታንዛኒያ የትምህርት ፣ የሳይንስና የቴክኖሎጂ ሚኒስቴር ልዑካን ቡድን በትምህርት ሚኒስቴር የልምድ ልውውጥ ጉብኝት አድርጓል ።
12 አባላት ያሉት የታንዛኒያ የልዑካን ቡድን በቅድመ መደበኛ ፣ በሁለተኛ ደረጃ ፣ በቴክኒክና ሙያና በዩኒቨርስቲዎች በመዘዋወር ምልከታ አድርጓል።
ልዑካን ቡድኑን የመሩት የታንዛኒያ ሪፐብሊክ ቋሚ ምክትል የትምህርት፣ የሳይንስና የቴክኖሎጂ ሚኒስትር ፕሮፌሰር ጀምስ ኤፒፈን ጋብርኤል ሞድ በጉብኝቱ ወቅት በኢትዮጵያ አዲስ ከተቀረጸው ስርዓተ- ትምህርት አገራቸው በርካታ ጠቃሚ ልምዶችን እንዳገኘች ገልፀዋል።
በአሁኑ ወቅት አገራቸው ታንዛኒያ የስርዓተ ትምህርት ማሻሻያና ክለሳ ተግባራትን እያከናወነች መሆኑን የገለፁት ሚኒስትሩ የኢትዮጵያ አዲሱ ስርዓተ ትምህርት ለአገር በቀል ዕውቀቶች ፣ ለተግባርና ሙያ ( ክህሎት ) ትኩረት የሰጠ መሆኑንን ተናግረዋል።
በትምህርት ሚኒስቴር የስርዓተ ትምህርት ማበልጸጊያ መሪ ስራ አስፈጻሚ ቴዎድሮስ ሸዋርገጥ (ዶ/ር) በበኩላቸው ነባሩ ስርዓተ ትምህርት መለወጥ ያስፈለገው በንድፈ ሀሳብ የታጨቀና የአገሪቱን ነባራዊ ሁኔታ ያላገናዘበ በመሆኑ ነው ብለዋል።
አዲሱ ስርዓተ ትምህርት አገራዊ ፍላጎትን ያገናዘበ በቴክኖሎጂ ፣ በዕውቀት ላይ የተመሠረተ ኢኮኖሚያዊ ውድድር በመፍጠር ውጤታማ የሚያደርግ መሆኑንም ለልዑካን ቡድኑ አስረድተዋል።
በስርዓተ ትምህርቱ ዝግጅት ላይም የመጻህፍት ዝግጅት ፣ የትምህርት ጥራት ማረጋገጥና ከሌሎች ባለድርሻ አካላት ጋር ተባብሮ የመስራት ልምድም መገኘቱን ዋና ስራ አስፈጻሚው ጨምረው ገልጸዋል።
ትምህርት ሚኒስቴር የአጠቃላይ ትምህርት ስርዓተ-ትምህርት ክለሳ በማድረግ በሙሉ እና በሙከራ ትግበራ ላይ እንደሚገኝ ይታወሳል።
Recent News
በከፍተኛ ትምህርት ተቋማት የምግብ ሜኑ ተመሳሳይ እንዲሆን ተወሰነ።
Dec 09, 2024
የእንግሊዝኛ ቋንቋ ክህሎትን ለማሳደግ በትኩረት መስራት እንደሚገባ ተጠቆመ።
Dec 07, 2024
