በመግለጫቸው ሚኒስትሩ የዛሬውን ሀገር አቀፍ ፈተና ለመውሰድ ከተመዘገቡት  91.5% የሚሆኑ ተማሪዎች ፈተናውን መውሰዳቸውን ገልፀዋል።

ዛሬ መሰጠት የጀመረው ሀገር አቀፍ ፈተናም በሁሉም ቦታ በሰላም ሲሰጥ መዋሉንም ተናግረዋል።

ፕሮፌሰር ብርሀኑ ፈተና ከመሰረቅ ጋር በተያያዘም ምንም አይነት ችግር እንዳልገጠመም  ተናግረዋል።

ሚኒስትሩ   በዘንድሮው አመት የ2013ዓ.ም ሀገር አቀፍ ፈተናን አምና ፈተናውን ከወሰዱ ተማሪዎች እጥፍ ፈተናውን መውሰዳቸውንም ተናግረዋል።

ሚኒስትሩ በየደረጃው ፈተናው በሰላም እንዲካሄድ ላደረጉ አካላትም ምስገና አቅርበው  በቀጣይ ቀናትም የተጠናከረ ክትትል እና ቁጥጥር በማድረግ ፈተናው በተያዘለት ጊዜ እንዲጠናቀቅ እንደሚደረግ ተናግረዋል።

በዛሬው እለት   በጠዋት  መርሀ ግብር እንግሊዘኛ እንዲሁም  በ ከሰዓት መርሀግብር  የሂሳብ ፈተና ተሰጥቷል።

ዛሬ ጠዋት የፈተናውን ሂደት በተመለከተ ሚኒስትሩ እና የአዲስ አበባ ከንቲባ ወ/ሮ አዳነች  አቤቤ  በጋራ በአዲስ አበባ በሚገኙ በተለያዩ ትምህርት ቤቶች በመገኘት የ12ኛ ክፍል ሀገር አቀፍ ፈተና አሰጣጥን መመልከታቸው ይታወሳል።