በጉብኝቱም በትምህርት ቤት ውስጥ እየተደረገ ስላለው የሴት ተማሪዎች ድጋፍ እና በትምህርት ቤት ውስጥ ስላለው የትምህርት አሰጣጥ ሂደት ገለፃ ተደርጓል።

በትምህርት ቤት ውስጥ ያሉትን የልዩ ፍላጎት እና የስነ ልቦና ድጋፍ መስጫ ክፍሎች ጉብኝት የተደረገ ሲሆን በባለሙያዎችም ስለሚሰጠው አገልግሎት ማብራሪያ ተሰጥቷል።

ፕሬዝዳንት ሳህለወርቅ ዘውዴ በትምህርት ቤት ውስጥ የስርዐተ ፆታ ክበብ በማቋቋም ጥቃቶችን ለመከላከል እየተሰራ ያለው ስራ አበረታች መሆኑን ገልፀው በቀጣይነትም ተጠናክሮ ሊቀጥል እንደሚገባ ተናግረዋል።

ትምህርት ቤቱ ለሴት ተማሪዎች ምቹ ሁኔታን የፈጠረ በመሆኑ ሌሎች ትምህርት ቤቶችም ይህን አርያ ሊከተሉ እንደሚገባ ፕሬዝዳንቷ ገልፀዋል።

ፕሬዝዳንቷ ሴት ልጅ የተሻለ ቦታ እንድትደርስ የሁሉም ድጋፍ ያስፈልጋል ያሉ ሲሆን የነገ የበለፀገች ኢትዬጵያን ለመገንባት የሴቶች ተሳትፎ ወሳኝ መሆኑን ገልፀዋል።

ፕሬዝዳንቷ ሴቶች የተሻለ ቦታ እንዲደርሱ በትምህርት ቤቶች ውስጥ ምቹ ሁኔታን መፍጠር እንደሚገባ  ገልፀው ተማሪዎች ትምህርታቸው ላይ እንዲያተኩሩ መልዕክታቸውን አስተላልፈዋል፡፡