የትምህርት ሚኒስትሩ ጌታሁን መኩሪያ( ፒ ኤች ዲ) ትምህርት ቤቶቹ ጥቅምት 9/2013 ዓ.ም ትምህርት እንዲጀምሩ በተቀመጠው አቅጣጫ መሰረት መስፈርቱን ያሟሉት ተማሪዎችን ተቀብለው ማስተማር ጀምረዋል ብለዋል።

በዚህም በመላ ሀገሪቱ የአፍና አፍንጫ መሸፈኛ ያሟሉ 30 በመቶ የሚሆኑ ትምህርት ቤቶች ዛሬ ትምህርት መጀመራቸውን ሚኒስትሩ ገልጸዋል ።

በየትኛውም የሀገሪቱ አካባቢ የሚገኙ ትምህርት ቤቶች ተገቢውን ግብዓት ሲያሟሉ እንደሚከፈቱም ተነግሯል።

ቀሪ ትምህርት ቤቶችም በየአካባቢው በተቋቋመው ኮሚቴዎች አማካኝነት ትምህርት ቤቶች አስፈላጊውን መስፈርት ማሟላታቸው ተገምግሞ ወደ መማር ማስተማር ሥራው እንደሚገቡም ተገልጿል።

ባለፈው አንድ ሳምንት 1/3ኛ የሚሆን የአፍና አፍንጫ መሸፈኛ ለትምህርት ቤቶች የተሰራጨ ሲሆን በቀጣይ ሳምንት ውስጥ ሙሉ በሙሉ ለማዳረስ እየተሠራ እንደሚገኝ ሚኒስትሩ ተናግረዋል ።