News Detail
Dec 04, 2024
113 views
በ2030 የኤች አይ ቪ ኤድስ ስርጭትን ለማስቆም የተጣለው ግብ እንዲሳካ የከፍተኛ ትምህርት ተቋማት በትኩረት ሊሰሩ አንደሚገባ ተጠቆመ ።
ከከፍተኛ ትምህርት ተቋማት የተወከሉ ተሳታፊዎች የተገኙበት የኤች አይቪና የስነ ተዋልዶ ጤና አውደጥናት ተከፍቷል።
በአውደ ጥናቱ መክፈቻ ላይ የዩ ኤን ኤድስ የኢትዮጵያ ዳይሬክተር ሚስ ክሪታዋያን ቡንቶ እንደገለጹት በ2030 ኤች አይቪ ኤድስን ለመግታት የተያዘው ግብ እንዲሳካ የከፍተኛ ትምህርት ተቋማት ሚና ከፍተኛ ነው።
በዓለማችን ባለፈው ዓመት ብቻ 1 ነጥብ 3 ሚሊዮን ሰዎች በኤች አይ ቪ ቫይረስ ሲያዙ ወደ 600ሺ የሚጠጉ ሰዎች ደግሞ በበሽታው መሞታቸውን ሚስ ክሪታዋያን ተናግረዋል።
በኢትዮጵያም መሻሻል ቢኖርም 620 ሺ በላይ ሰዎች ከበሽታው ጋር እንደሚኖሩ፣ 17 ሺ ሰዎች ደግሞ በበሽታው እንደሞቱና ተጨማሪ 7ሺ ሰዎች በቫይረሱ አዲስ እንደሚያዙ ጠቁመዋል፡፡
በበሽታው ከሚያዙ ሰዎች መካከልም አብዛኞቹ ወጣቶች በመሆናቸው የችግሩን አንገብጋቢነት በመገንዘብ መንግስታዊና መንግስታዊ ያልሆኑ ድርጅቶች መፍትሄ ለማበጀት በጥምረት መሥራት እንዳለባቸው አስገንዝበዋል።
በዩኔስኮ የአፍሪካ ህብረት ላይዘን ኦፌስና የትምህርት ዘርፍ የኢትዮጵያ ተወካይ ዶ/ር አብዱላሂ ሳሊፍ በበኩላቸው የኤች አይ ቪ ኤድስ በከፍተኛ ትምህርት መምህራንን እና ተማሪዎችን በማጥቃት ለአካላዊ በሽታና ስነ ልቦናዊ ጉዳቶች እንደሚዳርግና የትምህርት ውጤትና አፈጻጸምንም እንደሚቀንስ አስታውቀዋል
የከፍተኛ ትምህርት ተቋማት የኤች አይ ቪ ኤድስ ችግሮችን መፍታትና የቫይረሱን ስርጭት የመቋቋም አቅም ኦንዲያጎለብቱ በህይወት ክህሎትና ስልጠና እና እውቀት ለመደገፍና ለማብቃት አየሰራ መሆኑን ተናግረዋል።
በአውደ ጥናቱ ተሳታፊዎችም በመድረኩ የሚያገኙትን አቅም በመጠቀም በተቋሞቻቸውና በማህበረሰቡ ውስጥ ኤች አይ ቪ ኤድስን ለመከላከል የሚያስችል ለውጥ ማምጣት እንደሚጠበቅባቸውም አስታውቀዋል።
የከፍተኛ ትምህርት የአስተዳደርና መሠረተ ልማት መሪ ስራ አስፈጻሚ ዶክተር ሰለሞን አብርሃ በበኩላቸው የኤች አይ ቪ እና የስነ ተዋልዶ ጤና ችግሮች ከህክምና ጋር ብቻ ሳይሆን ከማህበራዊ ባህላዊና የትምህርታ ችግሮች ጋር በጥልቀት የተሳሰሩ መሆናቸውን ገልጸዋል።
በከፍተኛ ትምህርት ተቋማት የኤች አይ ቪ ኤድስ የተጋላጭነት ሁኔታ በአብዛኛው የተዘነጋ መሆኑን ጠቁመው የኤች አይ ቪ ኤድስ ክበባት አስተባባሪዎች ተማሪዎችን በማብቃት በእውቀት ላይ የተመሰረቱ መረጃዎችን በማጋራት በሽታውን ለመከላከል በሚደረገውን ትግል አስተዋጽኦ እንዲያደርጉ እየተሰራ ነው ብለዋል።
አውደ ጥናቱ ኤች አይ ቪ ኤድስ የሚያደርሰውን ተግዳሮትና ስጋት ለመቅረፍ ፣ የልምድ ልውውጥን ለማመቻቸት ፣ ተቋማዊ ትብብርን ለማጎልበትና የኤች አይ ቪ ኤድስ ምላሽ ለመስጠት የሚያስችል ግንዛቤ ለመፍጠር እንደሚረዳ ጠቁመዋል።
በአውደጥናቱ ላይ ከመንግስትና ከግል ዩኒቨርስቲዎ እንዲሁም ከፌዴራል ቴክኒክና ሙያ ኢንስቲትዩት የተወከሉ ተሳታፊዎች ተገኝተዋል።
Recent News
በከፍተኛ ትምህርት ተቋማት የምግብ ሜኑ ተመሳሳይ እንዲሆን ተወሰነ።
Dec 09, 2024
የእንግሊዝኛ ቋንቋ ክህሎትን ለማሳደግ በትኩረት መስራት እንደሚገባ ተጠቆመ።
Dec 07, 2024
